Ka whakarite te ākonga i tētahi Kete Manarua o āna mahi kua kohia, kua raupapahia hoki i roto i te tau, tae noa ki te rā aukatinga. Mā NZQA tētahi aromatawai e whakarite hei tauira mā te ākonga.
Ka whakamahi te ākonga i ngā tikanga tūponotanga i ngā āhuatanga o ia rā, o ia rā, ki ngā kaupapa me ngā horopaki huhua o te ao Māori hei whakaoti rapanga mā te whakatauira me te tuari.

E whakaatu ana te Kete Manarua i ngā taunakitanga:

• ka mārama ki te tūponotanga, me te tūponotanga whai pānga o ngā whakapae.
• ka tautohu i ngā hapa tīpako me ngā hapa kē atu ka hua mai i ngā rangahau me ngā pōti.
• ka whakatairite i ngā tuari tātai me ngā tuari whakamātau.
• ka tātai tūponotanga mā te whakamahi tūtohi ararua, hoahoa rākau, whaihanga, me te hangarau e hāngai ana.

Te Aroā Tauanga:

• Ka mārama ki te tūponotanga, me te tūponotanga whai pānga o ngā whakapae.
• Ka tautohu i ngā hapa tīpako me ngā hapa kē atu ka hua mai i ngā rangahau me ngā pōti.

Te Tūponotanga:

• Ka whakatairite i ngā tuari tātai me ngā tuari whakamātau.
• Ka tātai tūponotanga mā te whakamahi tūtohi ararua, hoahoa rākau, whaihanga, me te hangarau e hāngai ana.

Te Reo matatini o te Pāngarau:

• E tika ana te reo motuhake o te pāngarau, arā, ngā kupu, ngā rerenga, ngā whakaaturanga hoki.
• E tika ana te kounga o te reo ki te momo horopaki, ki te momo pūāhua rānei.
• Kia rua (neke atu rānei) o ēnei kōwhiringa rautaki reo e toru: ā-tuhi, ā-waha, ā-ataata.

Anei ētahi tauira mō te Kete Manarua:

• he whakaaturanga me āna kōrero whakamārama (Kia iti iho i ngā whārangi e 8)
• he kiriata (2-3 miniti)
• he kohinga whakaahua me āna kōrero whakamārama
• he hopukanga kōrero (2 miniti)
• t/ētahi atu tūmahi aromatawai.