He Hononga Ki Whārangi Wāhi Ipurangi Kē
Whāinga
Ko ngā ākonga kua whakawhiwhia ki te paerewa paetae nei, e āhei ana ki te whakamahi pāngarau hei whakaoti rapanga o te ao o te ākonga.
Whakaraupapa
Core Generic > Work and Study Skills
Ngā tohu
Paetae
Kōrero whakamārama
- Ko tēnei paerewa, nō te huinga paerewa Reo Matatini me te Pāngarau me mātua kawe mō te New Zealand Certificate of Achievement (NCEA). Ka aromātai tahi tēnei paerewa, te paerewa 32415, Ka whakamahi i te reo kia tutuki ai tētahi pūtakenga whakawhiti kōrero, tuhituhi hoki me te paerewa 32413, Ka mārama, ka tautohu i ngā whakaaro matua o tētahi reo ā-waha, o tētahi reo ā-tā hoki i ngā pūkenga tūāpapa o te reo matatini me te pāngarau e whai wāhi tonu ai te ākonga ki te ako, ki te mahi, me ērā atu āhuatanga o tōna oranga.
- Mō tēnei paerewa, ko te pāngarau te āheinga o te ākonga ki te whai, ki te whakamahi, ki te whakamāori, te whakawhitiwhiti whakaaro pāngarau, me te reo matatini o te pāngarau hoki e taea ai e ngā ākonga te uru atu ki ētahi atu akoranga, whakawhanake i ngā pūkenga nui o te ao whānui, me te uru atu ki ngā mahi me o rātou hāpori. Kei roto hoki i tēnei ko te mārama hoki ki ngā āhuatanga o te ahurea-pāpori.
E hono ana tēnei paerewa ki ngā tukanga me ngā akoranga tāpua o te Tukutuku Ako – Pāngarau, kei te whārangi ipurangi ncea.education.govt.nz.
E hono ana hoki ki ngā anga e toru e whai ake nei:
- Ki te mutunga o taumata 4 me te timatatanga o taumata 5 o te Marautanga Pāngarau.
- Ki te kaupae 5 o ngā Learning Progressions for Adult Numeracy (LPAN)
- Ki ngā whāinga o te Tīrewa Ako Pāngarau.
- Me whakaatu māramatanga ngā ākonga ki ngā ngohe aromatawai e whai wāhi mai ana i te putanga ako me ngā whenū: Te Tau me Te Taurangi, Te Ine me Te Āhuahanga, me Te Tauanga.
- Mā Te Mana Tohu Mātauranga o Aotearoa (NZQA) te aromatawai o tēnei paerewa e whakarite me te māka. Ko ngā huarahi whakaatu taunakitanga, e whai ake nei:
- He kohinga taunakitanga ka puta i ngā marautanga katoa i te roanga o te tau (he Kete Manarua).
- He Aromatawai Arowhānui, he mea whakarite e NZQA:
- He aromatawai wā-here
- He kaupapa whānui.
- Ka taea te whakamahi tātaitai mai i te rārangi tātaitai kua whakamanahia e NZQA.
- Ko te ao o te ākonga e hāngai atu ana ki te akoranga, ki te ahurea, ki te pāpori, ki te mahi, ki te kāinga o te ākonga.
- Ko te tikanga pāngarau, ko ngā rautaki kua whakamahia e te ākonga te whakaoti rapanga.
- He kupu taka
| aronga | meaning, focus |
| ahurea pāpori | socio economic |
| akoranga tāpua | significant features |
| pāheko | operations |
| pūāhua | situation |
| urupare | reply, response |
| tukanga | process |
| tukutuku ako | learning matrix |
| taurangi | variable |
| whaitake | reasonable |
| whakamahi | apply |
| whakakaupapa | contextualitize |
| whakaoti rapanga | solve problem |
| whānuitanga | range |
| whakaaro whānui | big ideas |
Ngā rauemi
Paekupu – https://paekupu.co.nz/.
Te Taura Whiri i te Reo Māori (n.d.) Te Taura Whiri i te Reo Māori Guidelines for Māori Language Orthography.
https://www.tetaurawhiri.govt.nz/assets/Uploads/Corporate-docs/Orthographic-conventions/58e52e80e9/Guidelines-for-Maori-Language-Orthography.pdf. Te Tāhuhu o te Mātauranga. (2013). Te Marautanga o Aotearoa. Te Poutaki Kōrero. (wh. 24-36).
Putanga ako me ngā paearu mahi
Putanga ako 1
Te whakamahi pāngarau hei whakaoti rapanga o te ao o te ākonga.
Paearu mahi
Te whakakaupapa i ngā pūāhua ki ngā tikanga pāngarau.
Ko te whiriwhiri i te pāheko, i te whakaahuahanga, i te taurangi, i te tikanga rānei hei whakaoti rapanga.
Te whakamahi i ngā tikanga pāngarau e tika ana ki ngā pūāhua.
Ko te whakamahi i ngā tikanga pāngarau e hāngai pū ana ki ngā whakaaro whānui, ki ngā pūāhua hei whakaoti rapanga
Te whakamāori i te whaitake o ngā urupare pāngarau ki ngā pūāhua.
Ko te whakamāori i ngā whakaotinga, i ngā putanga, i ngā aronga ki te pūāhua.