He Hononga Ki Whārangi Wāhi Ipurangi Kē
Whāinga
Ko ngā ākonga ka whakawhiwhia ki tēnei paerewa ka whakamahi i te reo kia tutuki ai tētahi pūtakenga whakawhiti kōrero, tuhituhi hoki.
Whakaraupapa
Core Generic > Work and Study Skills
Ngā tohu
Paetae
Kōrero whakamārama
Ko tēnei paerewa, nō te huinga paerewa Reo Matatini me te Pāngarau me mātua kawe mō te National Certificate of Educational Achievement (NCEA). Ka aromātai tahi tēnei paerewa, te paerewa 32413, Ka mārama, ka tautohu i ngā whakaaro matua o tētahi reo ā-waha, o tētahi reo ā-tā hoki, me te paerewa 32412, Te whakamahi pāngarau hei whakaoti rapanga o te ao o te ākonga i ngā pūkenga tūāpapa o te reo matatini me te pāngarau e whai wāhi tonu ai te ākonga ki te ako, ki te mahi, me ērā atu āhuatanga o tōna oranga.
Kia puta ai te ihu o te ākonga i te ao, me whānui ōna pūkenga reo. I ahu mai tēnei paerewa i ngā taumata 4/5 o Te Marautanga o Aotearoa, i te Tukutuku Ako – Te Reo Matatini, kei te whārangi ipurangi ncea.education.govt.nz, ka mutu ko ētahi whakaaro i ahu mai i ngā tīrewa ako o te Tīrewa Marautanga. Me whai reo, me whai mātauranga, me whai pūkenga te ākonga kia whai take ai, kia āta kōwhirihia anō ai āna kōrero me āna tuhinga.
Te Aromatawai
Ko ngā urupare a ngā ākonga, he reo ōpaki, he reo ōkawa rānei, a, me māori noa te tuku:
- Ko ngā momo urupare ā-waha.
Kia 1-2 mēneti te roa o ngā urupare ā-waha, ka mutu me māori te āhua o te tuku. - Ko ngā momo urupare ā-tuhi.
Me mātua tuhi te ākonga i tētahi tuhinga motukore kia 100-150 kupu te roa.
Arā pea ētahi hapa ka puta i ngā tuhinga me ngā kōrero a te ākonga, engari ka tutuki tonu te pūtakenga whakawhiti kōrero. Me aro tonu ki ngā kārawarawa me ngā wete reo matua pēnei i te pū matua, ira kati, piko, tohu tō, oro rua rānei me te whakatakoto kōwae.
Ka tūturu, ka hāngai ngā kaupapa ki te ao o te taiohi.
Ahakoa kāore i aromatawaitia te katoa o ngā Whānuitanga o te paerewa nei, ko tōna tikanga, mā ngā Kaiako te katoa e whakaako kia mārama kehokeho ngā ākonga ki ngā āhuatanga whānui o ngā tini mata o te reo.
- Ko ngā momo urupare ā-waha.
He Taunakitanga
Mā Te Mana Tohu Mātauranga o Aotearoa (NZQA) te aromatawai i tēnei paerewa e whakarite. Ko ngā huarahi whakaatu taunakitanga, e whai ake nei:
- he aromatawai wā-here, arā, he Tūmahi Aromatawai Pātahi (TAPA) rānei.
- he kohinga taunakitanga ka puta i ngā marautanga katoa i te roanga o te wā (Kete Manarua).
Mā NZQA anō ngā rā tuku Kete Manarua, ngā rā TAPA anō hoki e whakarite.
Ngā rauemi
Paekupu – https://paekupu.co.nz/. Taura Whiri i te Reo Māori (n.d.) Te Taura Whiri i te Reo Māori Guidelines for Māori Language Orthography. https://www.tetaurawhiri.govt.nz/assets/Uploads/Corporate-docs/Orthographic-conventions/58e52e80e9/Guidelines-for-Maori-Language-Orthography.pdf Te Tāhuhu o te Mātauranga. (2013). Te Marautanga o Aotearoa. Te Poutaki Kōrero. (wh. 24-36).
Putanga ako me ngā paearu mahi
Putanga ako 1
Ka whakamahi i te reo kia tutuki ai tētahi pūtakenga whakawhiti kōrero, tuhituhi hoki.
Paearu mahi
Ka kōwhiri i ngā rautaki matua e tutuki ai te pūtakenga whakawhiti kōrero, tuhituhi hoki.
he whakapuaki anō i āna ake kōrero, he whakatakoto kōrero.
Ka aromatawaitia ēnei.
he whakamārama atu anō, he kōrero āwhio, he tōai kōrero, he whakatika whaiaro, he whakaniko, he hoki ki te whakatika.
Ka aromatawaitia kia toru o ēnei.
Ka mārama ngā whakaaro matua.
he miramira i ngā whakaaro matua, he whakamahi tohu ataata, he whakamahi tongi matā, he whakamahi nuka tūhonohono. Ka aromatawaitia kia rua o ēnei.
Ka whakamahi i ngā āhuatanga reo e hāngai ana ki te horopaki, te hunga whakarongo, me te hunga pānui.
he whakamahi i te reo peha, te reo more, ngā kīanga, ngā tuone, te reo ā-tinana, te hauoro, te kahaoro, te mita, te puna kupu. Ka aromatawaitia kia whā o ēnei.
Ka tika te reo.
āhuatanga reo, ngā kupu kaupapa, ngā wetereo matua, te tātaki kupu, he rerenga kōrero oti, ngā kārawarawa me ngā kōwae.