Ka tuhi e pā ana ki tētahi horopaki e taunga ana ia, mā roto mai i te:

● whakamahi i te reo hei whakapuaki i ngā pārongo, i ngā ariā me ngā whakaaro e hāngai ana

● whakahāngai ki ngā pānga, ki ngā wheako rānei o nāianei, o te wā anō kua hipa

● whakawhiti whakaaro, kia mārama tonu, ahakoa ngā hapa iti.

Ka tuhi, i runga i te māia, e pā ana ki tētahi horopaki e taunga ana ia, mā roto mai i te:

● whakamahi i ngā āhuatanga huhua o te reo

● whakawhanake i ngā āhuatanga o ngā pārongo, o ngā ariā me ngā whakaaro kua whakapuakina

● whakawhiti whakaaro, ā, kāore e nui ana te whakapōreareahia e te hapa.

Ka tuhi, i runga i te autaia, e pā ana ki tētahi horopaki e taunga ana ia, mā roto mai i te:

● whakamahi i te huhua o te reo hei whakaniko i te tuhinga, kia angitu

● āta tūhono i ngā pārongo, i ngā ariā me ngā whakaaro

● whakawhiti whakaaro, ā, kāore e whakapōreareahia ana e te hapa.

Ko te reo, ko ngā wāhanga me ngā āhuatanga o te reo tuhi e āhei ai te whakapuaki whakaaro me te whakaatu tikanga e hāngai ana ki tēnei taumata me te horopaki kua kōwhiria. Hei tauira, ko ngā kupu me ngā whakatakotoranga o te reo, ko te tātaki kupu me te kārawarawa.

Ko te whakamahi i te huhua o te reo, ko te whakaatu i ngā āhuatanga maha o te reo.

Hei tauira:

• ko te whānui o ngā kupu
• ko ngā whakatakotoranga rerekē
• ko te whakamahi i ngā āheinga reo e hāngai pū ana ki te horopaki (hei tauira, ko te whakamārama ngāwari, ko ngā tohutohu, ko te whakaraupapa kōrero, aha atu rānei).

Ko te whakamahi i te huhua o te reo hei whakaniko i te tuhinga, kia angitu, ko te auau o te whakatauira i te kounga o te reo e hāngai ana ki te taumata me te horopaki kua kōwhiria.

Hei tauira:

• ko te tika o te reo mō te nuinga o te tuhinga
• ko te huhua o ngā kupu me ngā kīanga kua āta kōwhiria e pārekareka ake ai te tuhinga
• ko te whakamahi tika i ngā whakatakotoranga o te reo.

Ko te tūhono i ngā pārongo, i ngā ariā me ngā whakaaro, ko te:

• kōtuitui i ngā pārongo, i ngā ariā me ngā whakaaro i roto i ngā take kua whakapuakina mō te roanga o te mahi, kia whaihua
• whakaatu i te rere arotau, i te hāngai o te raupapatangata rānei, i te momo horopaki kua kōwhiria.

Ko tētahi horopaki e taunga ana ia ko ngā horopaki ōkawa, ōpaki hoki, e rite tonu nei te toroa e ngā ākonga, tae atu ki ngā horopaki o te whānau, o te hapori pātata anō hoki (kura, marae, kapa hākinakina, aha atu rānei), ki ngā wheako me ngā kaupapa o nāianei, o te wā anō kua hipa.

Ko ngā hapa, koia ko ngā pakewa e whai pānga ana ki te whakawhitinga pai o te kōrero, ki te mārama rānei o te kōrero. Hei tauira, ko:

• te kōwhiringa o ngā kupu
• ngā whakatakotoranga
• te tātaki kupu, te kārawarawa rānei.

Kōrero Āpiti Whānui

I tōna tikanga he aromatawai tēnei paerewa paetae hei whakamātau i ngā ākonga e ako tonu nei i te reo Māori. Ko te taumata e kōrerohia ana he mea waihanga mā te hunga kātahi anō ka kuhu ki te ako ōkawa nei i te reo i te Tau 9 me te Tau 10 o te kura tuarua.

I ahu mai tēnei paerewa paetae i The New Zealand Curriculum (NZC), Te Pou Taki Kōrero, Te Tāhuhu o te Mātauranga, 2007, me ngā whāinga i te Taumata 6 o Te Aho Arataki Marau mō te Ako i Te Reo Māori - Kura Auraki.