Ngā paerewa tautokorua NCEA kua whakapaitia ake 

Hei whakapai ake i te māmā o te whakamahi i ngā paerewa Te Reo Matatini me te Pāngarau, i oti ēnei panoni: 

• i wehea te paerewa Reo Matatini ki ngā paerewa motuhake e rua, e 5 ngā whiwhinga o tēnā, o tēnā: Te Reo Torohū - te whakarongo me te pānui, me Te Reo Whakaputa - te kōrero me te tuhituhi. 
• mā te whakawehe i te reo torohū me te reo whakaputa ka māmā ake tā te ākonga aro atu ki ia wāhanga o te reo matatini kia tutuki ai te whānuitanga o te paerewa. 
• i whakahoutia ngā putanga ako o ngā paerewa Te Reo Matatini me Pāngarau hei whakapai ake i te māramatanga me te māmā o te whakamahi, kia tōtika ake ai te hoatu māka. 
• i whakarerekētia te taitara o te paerewa Pāngarau ki Te whakamahi pāngarau hei whakaoti rapanga o te ao o te ākonga kia noho wehe ai i te Putanga Ako tuarua. 

He whakamārama i te tautokorua Te Reo Matatini me te Pāngarau 

He pūkenga tūāpapa e whakahirahira ana te reo matatini me te pāngarau ka whakaū i te angitu i ngā akoranga o muri atu, puta noa i te marautanga, i te ao, i te mahi anō hoki. Kua whakaurua ēnei paerewa hou ki te NCEA e whai whiwhinga tōtika ai te reo matatini me te pāngarau. Ka noho ēnei hei akoranga tautokorua mō te tohu, arā, me mātua puta te ihu o te ākonga i aua paerewa e āta whakawhiwhia ai rātou ki tō rātou tohu NCEA. 

• E rua ngā huinga paerewa: ko tētahi hei tautoko i te reo Māori, ko tētahi hei tautoko i te reo Pākehā. E hāngai ana ngā paerewa reo Māori ki Te Marautanga o Aotearoa (TMoA). I raro i ngā paerewa hou, e mārama ana ko te reo matatini me te pāngarau hei tūāpapa kei tōna Taumata 4 me te 5 o TMoA, e mātau katoa ai te ākonga ki te Taumata 4, ā, kua rite ki te mahi i te Taumata 5. E 20 whiwhinga te uara o ia huinga paerewa, waihoki, ka taea e te ākonga te taumata o Paetae, engari kaua i tua atu i tērā. Kāore ēnei whiwhinga e whai wāhi ki ngā whiwhinga e 60 e tutuki ai te Kaupae 1, te Kaupae 2, te Kaupae 3 rānei o NCEA. 
• E āhei ana tā te ākonga whakamahi i ngā huinga paerewa e rua nei hei akoranga tautokorua, ahakoa te reo o ā rātou akoranga, e āhei ana rānei tā rātou whakatutuki i ngā huinga e rua hei wāhanga mō ngā whiwhinga o te reo matatini me te reo tātai ki ngā reo e rua. E āhei ana hoki tā te ākonga kōwhiri kia whakawhenumihia, kia whakahāngaihia hoki ngā paerewa - hei tauira, ka taea e rātou te whakamahi te paerewa pāngarau me ngā paerewa e rua mō te reo matatini ki te reo Pākehā, e tutuki ai te herenga. 
• Ka aromatawaihia ngā ākonga mā tētahi Tūmahi Aromatawai Pātahi (TAPA) mā te Kete Manarua rānei. E āhei ana tā te ākonga whakatutuki i ngā paerewa i te wā e rite ana rātou, atu i te Tau 9, haere ake. E tika ana kia mahi tahi ngā kaiako me ngā ākonga me ō rātou whānau ki te whakatau i te wā e rite ana te ākonga ki te mahi i te aromatawai. Ka whakatakotoria, ka mākahia hoki ngā ngohe mō te TAPA, mō te Kete Manarua hoki e NZQA hei whakamāmā i te pīkauranga o te mahi, hei whakaū hoki i te ekenga ki te paetae. E wātea ana hoki ngā Paerewa Haratau (Approved Standards) hei huarahi aromatawai mō te reo matatini me te pāngarau mō ngā tau 2024-2025. Kāore he here i te nui o ngā wā e mahi ai te ākonga i te aromatawai, ko te mea nui, kua whai tikanga te whakaako me te ako i waenga i ia mahinga. Ki te eke te ākonga i te reo matatini, kāore e eke i te pāngarau, me mahi anō ko te pāngarau anake. 

Tūmahi Aromatawai Pātahi (TAPA) me Kete Manarua :: NZQA 

Kei raro iho nei tētahi Mahere mō Te Reo Matatini hei āwhina i ngā kaiako ki te huritao i ā rātou mahi whakaako, ki te kawe hoki i ētahi mahi hei whakarite i a rātou mō ngā āhuatanga o tēnei panonitanga.

[ Multiple File Download ]

Document List: [{"file_url":"https:\/\/ncea-live-3-storagestack-53q-assetstorages3bucket-2o21xte0r81u.s3.amazonaws.com\/s3fs-public\/2022-06\/Kaiako%20Action%20Plan%20-%20Pangarau%20te%20reo.pdf?VersionId=NEz2Iwpu6_H.29wc21vdxEUDZnuWQRdy","file_size":90611},{"file_url":"https:\/\/ncea-live-3-storagestack-53q-assetstorages3bucket-2o21xte0r81u.s3.amazonaws.com\/s3fs-public\/2022-06\/Kaiako%20Action%20Plan%20-%20Pangarau.pdf?VersionId=J6l1FbW3eTiE3f0itdmHci67o9wBQ._E","file_size":84863}]

Documents Count: 2