Ko te Kahu Pūtoi he kōtuinga mō ngā kaiako e mahi ana i roto i ngā wāhi whakaako mā te reo Māori me ērā e whakaako ana i te reo Māori, puta noa i Aotearoa. He wāhi mahi tahi te Kahu Pūtoi, he wāhi e tōpū ai ngā whakaaro o tēnā kaiako, o tēnā mātanga, kia tautoko hoki tētahi i tētahi i runga i ngā take e pā ana ki te marautanga me te whakaako tamariki.

Mā te Kahu Pūtoi anō, ka taea e te kaiako te hono atu ki te hapori e kaingākautia ana me te whakawhiti haere i waenga i ngā rōpū wānanga.

Kia whai mōhiotanga anō, kia rēhita rānei, toro atu ki te paetukutuku www.kahuputoi.org.nz.

Nā te kaiako, mā te kaiako. | Empowering kaiako to support each other.