Nō te Mahuru o te 2018 i whakatūria ai te Kāhui Arataki Ngaio hei mahi ngātahi ki te Kāhui Arataki Minita kua whakamoea nei, ki te tuku kupu ārahi ki te Minita o te Mātauranga me Te Tāhuhu o te Mātauranga mō te Arotakenga NCEA.
Ko te Kāhui nei he tumuaki, he kaiako, o nāianei, o mua kei a rātou ngā tohungatanga whāiti me te hōhonu anō o te mōhio ki te rāngai.
Deidre Shea (Chair)
Ko Deidre Shea te Tumuaki o te Kura Tuarua o Onehunga. He mema ia nō te Rōpū Totoro mō te Arotakenga NCEA. Kei runga ake te kaha eke o te Kura Tuarua o Onehunga i te Kaupae 3 o te NCEA i te toharite mō ngā kura o te waengahuru 3, mātua rā mō ngā ākonga Māori. I whakawāteahia a Deidre i te 2012 ki te tūhura i ngā tauira poipoi, ā, i te 2016 anō, ki te tūhura i ngā taiao whaihua mō te whakaako me te ako. I mua tata atu i tō nāianei Perehitene, ko Deidre te Perehitene o te Pūtahi Tumuaki Kura Tuarua o Aotearoa (SPANZ).
Louise Anaru
Nō Ngāpuhi, nō Te Rarawa a Louise Anaru. Ko ia te tumuaki o te Kāreti o Kaitāia. I mua atu i tērā, ko ia te tumuaki o te Kāreti o Pāharakeke, me te tumuaki matua o te Kāhui Ako nei, o Te Waka o Māramatanga. He mea whakawhiwhi ia i te tau 2013 ki te Tohu Hautū o Tā Peter Blake. I a ia e hautū ana i te Kāreti o Pāharakeke, ka kaha piki ngā ekenga i te kura, i te 2014 ki te 2016, i te Kaupae 2 me te 3 o te NCEA. Waihoki, i piki te eke o te Kaupae 3 o te NCEA i a ngāi Māori, mai i te 13.2 ōrau ki te 38.3 ōrau. I te 2018, ka whakawhiwhia te Kāreti o Pāharakeke ki te Tohu Taioreore o ngā Tohu Kairangi Ao Mātauranga a te Pirīmia. Kua toritori anō a Louise ki te Hōtaka Tumuaki Pitomata ā-Motu me te Hōtaka Tumuaki Hou, ā, kua tū ināianei hei kaipoipoi tumuaki hou.
Melanie Webber
He kaiako a Melanie Webber i Ngā Puna o Waiōrea. Ko ia te perehitene o Te Wehengarua (arā, te PPTA). Kua 13 tau a Melanie i te ao whakaako, ā, i te ao pāpāho ia i mua atu i tērā. He mema a Melanie nō te Kāhui Arataki Tohu Mātauranga Kura Tuarua me te Rōpū Totoro mō te Arotakenga NCEA.
Natalie Faitala
Ko Natalie Faitala te upoko o te tari Ingarihi i te Kāreti o Wēteri. Nō te tau 2013 i puta ai tana rangahautanga tohu kauati e aro ana ki te pānga o ngā whakahau mō te matatau ki te reo Ingarihi ki ngā kōwhiringa a ngā ākonga Pasifika mō ngā marau me ngā akoranga ka whāia e rātou i ngā whareako paetoru. Kei te Komiti Pasifika o te PPTA a Natalie, ā, i te Tumu Whakarae anō o te PPTA mō tētahi wā. He Taupulega STEM ia mā NZQA, ā, i te paewhiri nāna i tārai anō te tauākī iho mō te Wāhanga Ako Reo Ingarihi o te NZC. Kei te Rōpū Mātanga Marau mō te Reo Ingarihi i tēnei wā.
Sophie Tukukino
He uri a Sophie Tukukino nō Ngāti Tamaterā, nō Rongomaiwahine, nō Ngāti Kahungunu. Ko ia te Kaiwhanake i Ngā Kura ā-Iwi o Aotearoa (NKAI), ā, ko ia hoki te Tumuaki o Te Kura Māori o Porirua mai i tōna orokohanga ake i te 2001 tae noa ki te 2021. Kua poipoia e ia ōna anō tumuaki hou, tumuaki pitomata. Kua hoahoaina, kua whakatinanatia e ia ētahi hōtaka rumaki, reorua anō hoki i ngā wānanga, i ngā kura ā-iwi me ngā kura auraki. He hohe tonu a Sophie i NKAI, kua noho hoki ki ngā poari me ngā komiti maha, tae atu ki Te Akatea (te pūtahi tumuaki Māori o Aotearoa), ki Te Riu Roa (te NZEI) me ngā komiti ā-rohe, ā-motu o Ngā Manu Kōrero.
Cathy Ewing
Ko Cathy Ewing te tumuaki o te Kāreti o Whakatū mō ngā Kōtiro. Kua 10 tau ki tērā tūranga. Ko ia anō e whakakanohi ana i Te Tauihu o te Waka ki te Kaunihera Tumuaki Kura Tuarua o Aotearoa. I mua atu, he tumuaki ia i te Kāreti o Ōpuke mō te toru tau, he tumuaki tuarua i te Kura Tuarua o Ōtautahi mō ngā Kōtiro mō te waru tau. I kopoua a Cathy hei kairuruku aromatawai tuatahi i te Kura Tuarua o Ōtautahi mō ngā Kōtiro, ā, i whakawhiwhia ki te Tohu Paewai a Woolf Fisher mō tana ārahi i ngā panonitanga i ngā kawenga aromatawai. He mema ia nō te Kāhui Ako o Whakatū, he mema anō nō tō rātou rōpū tautiaki mai i te 2015. Roger Moses
Nō nā tata nei a Roger Moses ka rītaia i tana tūranga hei tumuaki o te Kāreti o Pōneke; he tūranga ka tata nei te 23 tau ki a ia. Nōna e tumuaki ana, he mema ia nō te Pūtahi Tumuaki Kura Tuarua o Te Upoko o Te Ika, nō te tumu whakahaere anō o SPANZ, ā, mō te iwa tau, ko ia te heamana o te Pūtahi o ngā Kura mō ngā Tama o Aotearoa. I te 2001, ka whakawhiwhia a Roger ki te Karahipi a Woolf Fisher, i rere ai ia ki tāwāhi ki te rangahau i ētahi kura i Amerika me Ingarangi. I te 2009, ka uhia te Tohu Āpiha (ONZM) ki runga i a ia, mō āna mahi i te ao mātauranga. I te 2015, ko ia te Wellingtonian of the Year (ki te ao mātauranga). I te 2018 ka whakawhiwhia ki te tohu Absolutely Positively Wellington e te Kaunihera o Pōneke i āna mahi papai mō te tāone. I te 2020, ka āpitihia ko Te Tohu Tāpui ki ana tohu whakamānawa maha.
Campbell Dewes
Nō Ngāti Porou, nō Te Arawa a Campbell Dewes. Ko ia tētahi o ngā mātua tuatahi o Te Kura Kaupapa Māori o Kawakawa mai Tawhiti. Ka tū anō hei kaiako ki reira, ā, ko ia te tumuaki ināianei. Nō te 2002 i tīmata ai tana mahi ki te kura. Ko te kaha eke o te Kaupae 2 me te 3 o te NCEA i ngā ākonga o Te Kura Kaupapa Māori o Kawakawa mai Tawhiti, kei runga noa ake i te toharite mō ngā kura waengahuru 1 me ngā kura o Tūranga. Nō te tau 2006 a ia i kake ai ki te tūranga tumuaki. He kaha ia ki te kōkiri i Te Aho Matua o Ngā Kura Kaupapa Māori.
Vaughan Couillault
Ko Vaughan Couillault te tumuaki o te Kura Tuarua o Papatoetoe. Ko ia anō te perehitene o te Pūtahi o ngā Tumuaki Kura Tuarua o Aotearoa (SPANZ). I roto i ngā tau, he kaiako ia (Tauhokohoko), he Manukura, he Kaihautū Tari (Tauhokohoko), he Tumuaki Tuarua, he Tumuaki Tūhono i ētahi kura maha i Ākarana, Kua whai wāhi anō a Vaughan ki ngā paewhiri māka whakawaho, kua whiwhi kirimana waihanga rauemi hei whakatinana i te NCEA, kua tuhi whakamātautau ā-waho me ētahi rauemi mā CETA, kua tuhi aratohu akoako, kua ārahi i ngā hui whakapakari kaiako ki ngā aromatawai mahi kaute. Kua riro i a Vaughan tana Pōkairua Paerua mō te Whakahaere Kura, me tētahi Tohu Kauati mō ngā Mahi Hautū i te Ao Mātauranga.
Phil Truesdale
Ko Phil Truesdale te upoko o te Pāngarau me te Tauanga i te Kura Tuarua o Papanui, i Ōtautahi. Kua 16 tau a Phil e whakaako ana i te kura tuarua, me te maha anō o ngā tūranga ārahi i a ia i taua wā, tae atu ki te kaiwhakataki matua i Kia Eke Panuku i te Kura Tuarua o Papanui. Ko ia tētahi o ngā perehitene takirua i te Pūtahi Pāngarau o Waitaha, he tumu whakahaere anō o te Pūtahi Kaiako Pāngarau o Aotearoa me te Komiti Taumāhekeheke Pāngarau o Aotearoa. He huānga anō ia nō te Rōpū Reo Marautanga mō te Tāmatatanga i te New Zealand Curriculum.
Steven Hargreaves
Kua noho a Steven Hargreaves hei tumuaki o te Kāreti o Maclean, he kura waengahuru teitei i Tāmaki Makaurau, mai i te tau 2018. Mai i te 2015-2017, ko ia te tumuaki o te Kāreti o Wēteri. Ka nui ōna wheako whakaako; ka 13 tau hoki ia e whakaako ana i te pāngarau me te ohaoha i te Kāreti o Maclean i mua i te pikinga ki te pae whakahaere o te kura. E mōhiotia ana te Kāreti o Maclean mō tana hora i ngā Whakamātautau o Cambridge ki Tāwāhi tae atu ki te NCEA. He tokomaha hoki ngā ākonga o tāwāhi kei te kura. I te 2020, ka kopoua a Steven hei perehitene o te Pūtahi Tumuaki Kura Tuarua o Tāmaki.
Nō te Mahuru o te 2018 i whakatūria ai te Kāhui Arataki Ngaio hei mahi ngātahi ki te Kāhui Arataki Minita kua whakamoea nei, ki te tuku kupu ārahi ki te Minita o te Mātauranga me Te Tāhuhu o te Mātauranga mō te Arotakenga NCEA.
Ko te Kāhui nei he tumuaki, he kaiako, o nāianei, o mua kei a rātou ngā tohungatanga whāiti me te hōhonu anō o te mōhio ki te rāngai.
Deidre Shea (Chair)
Ko Deidre Shea te Tumuaki o te Kura Tuarua o Onehunga. He mema ia nō te Rōpū Totoro mō te Arotakenga NCEA. Kei runga ake te kaha eke o te Kura Tuarua o Onehunga i te Kaupae 3 o te NCEA i te toharite mō ngā kura o te waengahuru 3, mātua rā mō ngā ākonga Māori. I whakawāteahia a Deidre i te 2012 ki te tūhura i ngā tauira poipoi, ā, i te 2016 anō, ki te tūhura i ngā taiao whaihua mō te whakaako me te ako. I mua tata atu i tō nāianei Perehitene, ko Deidre te Perehitene o te Pūtahi Tumuaki Kura Tuarua o Aotearoa (SPANZ).
Louise Anaru
Nō Ngāpuhi, nō Te Rarawa a Louise Anaru. Ko ia te tumuaki o te Kāreti o Kaitāia. I mua atu i tērā, ko ia te tumuaki o te Kāreti o Pāharakeke, me te tumuaki matua o te Kāhui Ako nei, o Te Waka o Māramatanga. He mea whakawhiwhi ia i te tau 2013 ki te Tohu Hautū o Tā Peter Blake. I a ia e hautū ana i te Kāreti o Pāharakeke, ka kaha piki ngā ekenga i te kura, i te 2014 ki te 2016, i te Kaupae 2 me te 3 o te NCEA. Waihoki, i piki te eke o te Kaupae 3 o te NCEA i a ngāi Māori, mai i te 13.2 ōrau ki te 38.3 ōrau. I te 2018, ka whakawhiwhia te Kāreti o Pāharakeke ki te Tohu Taioreore o ngā Tohu Kairangi Ao Mātauranga a te Pirīmia. Kua toritori anō a Louise ki te Hōtaka Tumuaki Pitomata ā-Motu me te Hōtaka Tumuaki Hou, ā, kua tū ināianei hei kaipoipoi tumuaki hou.
Melanie Webber
He kaiako a Melanie Webber i Ngā Puna o Waiōrea. Ko ia te perehitene o Te Wehengarua (arā, te PPTA). Kua 13 tau a Melanie i te ao whakaako, ā, i te ao pāpāho ia i mua atu i tērā. He mema a Melanie nō te Kāhui Arataki Tohu Mātauranga Kura Tuarua me te Rōpū Totoro mō te Arotakenga NCEA.
Natalie Faitala
Ko Natalie Faitala te upoko o te tari Ingarihi i te Kāreti o Wēteri. Nō te tau 2013 i puta ai tana rangahautanga tohu kauati e aro ana ki te pānga o ngā whakahau mō te matatau ki te reo Ingarihi ki ngā kōwhiringa a ngā ākonga Pasifika mō ngā marau me ngā akoranga ka whāia e rātou i ngā whareako paetoru. Kei te Komiti Pasifika o te PPTA a Natalie, ā, i te Tumu Whakarae anō o te PPTA mō tētahi wā. He Taupulega STEM ia mā NZQA, ā, i te paewhiri nāna i tārai anō te tauākī iho mō te Wāhanga Ako Reo Ingarihi o te NZC. Kei te Rōpū Mātanga Marau mō te Reo Ingarihi i tēnei wā.
Sophie Tukukino
He uri a Sophie Tukukino nō Ngāti Tamaterā, nō Rongomaiwahine, nō Ngāti Kahungunu. Ko ia te Kaiwhanake i Ngā Kura ā-Iwi o Aotearoa (NKAI), ā, ko ia hoki te Tumuaki o Te Kura Māori o Porirua mai i tōna orokohanga ake i te 2001 tae noa ki te 2021. Kua poipoia e ia ōna anō tumuaki hou, tumuaki pitomata. Kua hoahoaina, kua whakatinanatia e ia ētahi hōtaka rumaki, reorua anō hoki i ngā wānanga, i ngā kura ā-iwi me ngā kura auraki. He hohe tonu a Sophie i NKAI, kua noho hoki ki ngā poari me ngā komiti maha, tae atu ki Te Akatea (te pūtahi tumuaki Māori o Aotearoa), ki Te Riu Roa (te NZEI) me ngā komiti ā-rohe, ā-motu o Ngā Manu Kōrero.
Cathy Ewing
Ko Cathy Ewing te tumuaki o te Kāreti o Whakatū mō ngā Kōtiro. Kua 10 tau ki tērā tūranga. Ko ia anō e whakakanohi ana i Te Tauihu o te Waka ki te Kaunihera Tumuaki Kura Tuarua o Aotearoa. I mua atu, he tumuaki ia i te Kāreti o Ōpuke mō te toru tau, he tumuaki tuarua i te Kura Tuarua o Ōtautahi mō ngā Kōtiro mō te waru tau. I kopoua a Cathy hei kairuruku aromatawai tuatahi i te Kura Tuarua o Ōtautahi mō ngā Kōtiro, ā, i whakawhiwhia ki te Tohu Paewai a Woolf Fisher mō tana ārahi i ngā panonitanga i ngā kawenga aromatawai. He mema ia nō te Kāhui Ako o Whakatū, he mema anō nō tō rātou rōpū tautiaki mai i te 2015. Roger Moses
Nō nā tata nei a Roger Moses ka rītaia i tana tūranga hei tumuaki o te Kāreti o Pōneke; he tūranga ka tata nei te 23 tau ki a ia. Nōna e tumuaki ana, he mema ia nō te Pūtahi Tumuaki Kura Tuarua o Te Upoko o Te Ika, nō te tumu whakahaere anō o SPANZ, ā, mō te iwa tau, ko ia te heamana o te Pūtahi o ngā Kura mō ngā Tama o Aotearoa. I te 2001, ka whakawhiwhia a Roger ki te Karahipi a Woolf Fisher, i rere ai ia ki tāwāhi ki te rangahau i ētahi kura i Amerika me Ingarangi. I te 2009, ka uhia te Tohu Āpiha (ONZM) ki runga i a ia, mō āna mahi i te ao mātauranga. I te 2015, ko ia te Wellingtonian of the Year (ki te ao mātauranga). I te 2018 ka whakawhiwhia ki te tohu Absolutely Positively Wellington e te Kaunihera o Pōneke i āna mahi papai mō te tāone. I te 2020, ka āpitihia ko Te Tohu Tāpui ki ana tohu whakamānawa maha.
Campbell Dewes
Nō Ngāti Porou, nō Te Arawa a Campbell Dewes. Ko ia tētahi o ngā mātua tuatahi o Te Kura Kaupapa Māori o Kawakawa mai Tawhiti. Ka tū anō hei kaiako ki reira, ā, ko ia te tumuaki ināianei. Nō te 2002 i tīmata ai tana mahi ki te kura. Ko te kaha eke o te Kaupae 2 me te 3 o te NCEA i ngā ākonga o Te Kura Kaupapa Māori o Kawakawa mai Tawhiti, kei runga noa ake i te toharite mō ngā kura waengahuru 1 me ngā kura o Tūranga. Nō te tau 2006 a ia i kake ai ki te tūranga tumuaki. He kaha ia ki te kōkiri i Te Aho Matua o Ngā Kura Kaupapa Māori.
Vaughan Couillault
Ko Vaughan Couillault te tumuaki o te Kura Tuarua o Papatoetoe. Ko ia anō te perehitene o te Pūtahi o ngā Tumuaki Kura Tuarua o Aotearoa (SPANZ). I roto i ngā tau, he kaiako ia (Tauhokohoko), he Manukura, he Kaihautū Tari (Tauhokohoko), he Tumuaki Tuarua, he Tumuaki Tūhono i ētahi kura maha i Ākarana, Kua whai wāhi anō a Vaughan ki ngā paewhiri māka whakawaho, kua whiwhi kirimana waihanga rauemi hei whakatinana i te NCEA, kua tuhi whakamātautau ā-waho me ētahi rauemi mā CETA, kua tuhi aratohu akoako, kua ārahi i ngā hui whakapakari kaiako ki ngā aromatawai mahi kaute. Kua riro i a Vaughan tana Pōkairua Paerua mō te Whakahaere Kura, me tētahi Tohu Kauati mō ngā Mahi Hautū i te Ao Mātauranga.
Phil Truesdale
Ko Phil Truesdale te upoko o te Pāngarau me te Tauanga i te Kura Tuarua o Papanui, i Ōtautahi. Kua 16 tau a Phil e whakaako ana i te kura tuarua, me te maha anō o ngā tūranga ārahi i a ia i taua wā, tae atu ki te kaiwhakataki matua i Kia Eke Panuku i te Kura Tuarua o Papanui. Ko ia tētahi o ngā perehitene takirua i te Pūtahi Pāngarau o Waitaha, he tumu whakahaere anō o te Pūtahi Kaiako Pāngarau o Aotearoa me te Komiti Taumāhekeheke Pāngarau o Aotearoa. He huānga anō ia nō te Rōpū Reo Marautanga mō te Tāmatatanga i te New Zealand Curriculum.
Steven Hargreaves
Kua noho a Steven Hargreaves hei tumuaki o te Kāreti o Maclean, he kura waengahuru teitei i Tāmaki Makaurau, mai i te tau 2018. Mai i te 2015-2017, ko ia te tumuaki o te Kāreti o Wēteri. Ka nui ōna wheako whakaako; ka 13 tau hoki ia e whakaako ana i te pāngarau me te ohaoha i te Kāreti o Maclean i mua i te pikinga ki te pae whakahaere o te kura. E mōhiotia ana te Kāreti o Maclean mō tana hora i ngā Whakamātautau o Cambridge ki Tāwāhi tae atu ki te NCEA. He tokomaha hoki ngā ākonga o tāwāhi kei te kura. I te 2020, ka kopoua a Steven hei perehitene o te Pūtahi Tumuaki Kura Tuarua o Tāmaki.