I ahu mai tēnei paerewa paetae i The New Zealand Curriculum (NZC), Te Pou Taki Kōrero, Te Tāhuhu o te Mātauranga, 2007, ā, ka hāngai ki ngā whāinga o ngā Whakaaro Whānui i te Taumata 6 o te Tukutuku Ako o Te Ao Haka ki ngā Taumata 6, 7, 8.  

Ka whai wāhi ki te whakaahua i ētahi wāhanga o roto o Te Ao Haka:

• te tautohu i ngā wāhanga kāore e iti iho ana i te rua o roto i tētahi pekanga
• te tuku tauira o tētahi tūmomo o roto i ia wāhanga

Ka whai wāhi ki te whakamārama i ētahi wāhanga o roto o Te Ao Haka:

• te matapaki i te āhua o te ōrite, o te rerekē hoki o ngā wāhanga
• te mātai i tētahi horopaki e whakaaturia ai pea ia wāhanga me ngā take e pērāhia ai

Ka whai wāhi ki te tātari i ētahi wāhanga o roto o Te Ao Haka:

• te matapaki i ngā āhuatanga e tautohua ai te noho o ngā tauira hei wehenga mō taua wāhanga

Ko ngā wāhanga i Te Ao Haka ko ngā momo, ko ngā kāhua rānei o ngā titonga, o ngā mahinga rānei i roto i tētahi pekanga.

Kei roto i ngā tauira o ngā wāhanga te:

Mōteatea

• te aroha
• te tangi
• te pao

Waiata ā-ringa

• te aroha
• te poroporoaki
• te whakahāwea

Ko ēnei wāhanga anake e whai pānga ana ki ngā pekanga o te whakaeke me te whakawātea: 

• kaupapa whānui 
• whakanui 
• aroha 
• whakapapa 

He rārangi tōtōpū o ngā wāhanga me ngā tautuhinga motuhake mō ngā wāhanga o te kaupapa whānui, o te whakanui, o te aroha me te whakapapa kei te Kuputaka o Te Ao Haka. 

Ko te tūmomo e kōrero ana mō tētahi titonga, mō tētahi whakaaturanga rānei e whai wāhi atu ai ngā āhuatanga tāpua o Te Ao Haka i te nekehanga, te reo me te kupu