Te wāhanga 1

Kōwhiria tētahi kaupapa hei tuhi māu. Whakawhānuitia ō mōhiotanga ki te kaupapa mā te rangahau. Ka kuhuna pea ki tēnei, ko:  

• ngā kōrero ā-rohe — ka kōrero pea koe ki tō whānau, ki tō hapū, ki ngā kaumātua, ki ētahi atu rānei i tō hapori e tino mōhio ana ki te kōrero  
• tētahi kaupapa o te wā — ka pānui pea koe i ngā atikara, ka mātaki rānei i ētahi ataata nō ngā puna maha e mārama ai koe ki ngā tirohanga rerekē  
• te whakamahi i tētahi paki — ka pānui anō, ka mātaki anō rānei koe i te paki, ka tūhura ai i ngā arotakenga me ngā urupare e whānui ake ai tō māramatanga.  

Ka hiahia pea koe ki te mātai i ētahi atu kōrero nō ō tino tūmomo o Te Ao Haka, inarā, ko te aro ki ngā kupu. I a koe ka whakarongo ki ngā kupu, whakamātauhia te tautohua me te whakaahuatia o ngā huānga e whakamahia ana. Whakaarohia te whakapuakitia o te kaupapa mā roto mai i ngā kōrero.  

Te wāhanga 2

Kua taunga koe ki te kaupapa i kōwhiria ai e koe, nō reira, whakaarohia:

• ngā mea e hiahia nei koe kia mārama, kia rangona hoki e tō minenga e pā ana ki te kaupapa i kōwhiria ai e koe ka pānui ana, ka rongo ana rānei rātou i ō kōrero
• tō whakawhiti i ērā māramatanga mā te whakamahi i ngā huānga o Te Ao Haka. 

Tuhia tētahi tuhinga hukihuki tuatahi o te kōrero e āta whakaata ana i te kaupapa, mā te whakatōpū i ngā huānga e toru, e toru hemihemi rānei. Me ngātahi te haere o ēnei huānga hei whakaū i ō kōrero me te tautoko i te pūtake whānui o tō tuhinga. Kia mutu tō tuhinga hukihuki, tuhia he kupu tīpoka e whakaahua ana i ngā huānga kua whakamahia e koe, te pūtake i whakamahia ai, me te āhua e rere ngātahi ai. Whakamāramahia te take e puta ai tētahi hua whāiti ki tō kōrero i tēnei whakatōpūtanga, me te whakaaweawe pea o tērā i ngā urupare a te minenga.  

Te wāhanga 3

Ka pātai pea koe ki tētahi tangata e whakapono nei koe, pēnei i te kaiako, i tētahi nō tō whānau, i te kaumātua, i tētahi hoa rānei, ki te pānui i tō tuhinga hukihuki. Ka kōrero pea rātou i ngā mea e tāpua ana ki a rātou, ki ētahi atu āhuatanga rānei hei whakaaro māu. Whakamahia ā rātou whakahokinga kōrero mō ngā panonitanga whakamutunga o tō kōrero. I tōna tikanga, me tuhi tō kōrero kua whakapaingia ki te reo Māori.  

Me āpiti ki tō tāpaetanga whakamutunga tētahi whakamāramatanga ā-tuhi i te taha o tō tuhinga hou. I tērā tāpaetanga, whakaahuatia te whānuitanga o ngā huānga kua whakamahia e koe, te take i whakamahia ai tēnā me tēnā, ka mutu, i pēhea te haere ngātahi o ērā e whakaatatia ai tō kaupapa, e nui hoki te puta o ngā hua. Whakamāramahia te take i kōwhiria ai e koe aua huānga rā. Parahautia ō kōwhiringa i runga i ngā whakaaro me ngā kare ā-roto e wawata nei koe ka puta i te pānuitanga, i te kitenga rānei a te minenga i ō mahi.  

Mēnā i kōwhiri koe kia pānuitia āu mahi i te akomanga, me whakaaro te whakaritea o ētahi kupu tīpoka hei āwhina i tō whakaaturanga. Ka āwhina ēnei kupu tīpoka i tō kōrero e pā ana ki ngā huānga kua whakamahia e koe, me tana tautoko i tō kaupapa me ngā hua e hiahiatia ana i tō mahi.